Hollandiyada baş verən yanğında 13 nəfər xəsarət alıb

Bakı. 21 fevral. REPORT.AZ/ Hollandiyanın Rotterdam şəhərindəki Gənclər Mərkəzinin binasında baş verən yanğında 13 nəfər xəsarət alıb.

"Report" "RİA Novosti"yə istinadən xəbər verir ki, 11 nəfər xəstəxanaya tüstüdən zəhərlənmə ilə çatdırılıb.

Yanğının beşmərtəbəli binanın üçüncü mərtəbəsində olan şkafda başladığı və birinci mərtəbəyə qədər yayıldığı bildirilir.

Yanğınsöndürənlər yanğının qarşısını qısa zamanda alsa da, binanı tüstü bürüyüb. Polis yanğının başvermə səbəblərini aydınlaşdırır.

Məlumata görə, binada psixoloji problemləri olan insanların yaşadığı Gənclik Mərkəzi yerləşir.