Bakı. 20 dekabr. REPORT.AZ/ Livanın "Hizbullah" hərəkatının tanınmış liderlərindən birisi hesab olunan Samir Kuntar bu gün səhər Suriyanın paytaxtı Dəməşq şəhərinin yaxınlığında İsrail Hərbi Hava Qüvvələrinin raket zərbəsi nəticəsində qətlə yetirilib.
"Report"un BBC-yə istinadən verdiyi xəbərə görə, Kuntarın ölümü xəbərini onun qardaşı "Facebook" vasitəsi ilə yayıb.
Fələstin Azadlıq Hərəkatına aktiv dəstəyi ilə tanınan Samir Kuntar 1979-ci ildə İsraildə terror aktı törətdikdən sonra uzun illər həbsxanada kiçirmişdi və ancaq 2008-ci ildə azadlığa buraxılmışdı.