Yuxarı
    Bağlamaq

    ​Hindistanda bir gecədə 45 nəfər ildırım vurmasından ölüb

    Daha 10-dan çox insan xəsarət alıb

    Bakı. 22 iyun. REPORT.AZ/ Bu gecə Hindistanın şərqində yerləşən Bihar ştatında ildırım vurması nəticəsində ən azı 45 nəfər həyatını itirib.

    "Report" xəbər verir ki, bu barədə "Air News" nəşri məlumat yayıb.

    Qeyd olunur ki, daha 10-dan çox insan xəsarət alıb.

    Nəşrin məlumatına görə, ölənlərin sayı arta bilər. Çünki Bihar ştatında ölənlər və leysan yağışların vurduğu ziyan barədə məlumatlar ucqar rayonlardan regional hakimiyyət orqanlarına gec gəlir.

    Ölkənin şərqində dolu ilə müşahidə olunan leysan yağışlar yağır. Yaxın bir neçə gündə pis hava şəraiti davam edəcək.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi