Hindistanda xəstəxanada süni nəfəs aparatlarının işləməməsi nəticəsində 60 uşaq ölüb

Bakı. 13 avqust. REPORT.AZ/ Hindistanın şimalındakı xəstəxanalardan birində süni nəfəs aparatlarının işləməməsi nəticəsində 60 uşaq ölüb.

"Report" xəbər verir ki, bu barədə "BBC" məlumat yayıb.

Məlumatda bildirilir ki, süni nəfəs aparatlarındakı hava ehtiyatı düz hesablanmayıb. Uttar-Pradeş ştatının hakimiyyət orqanları aparatlara hava verilməsinin dayandırıldığını etiraf edib. 

Lakin eyni zamanda qeyd olunur ki, ölüm hallarının səbəbi başqadır. Bildirilir ki, ölənlərin böyük əksəriyyəti yeni doğulan körpələr və ençefalit xəstəsi olanlardır.