Hindistanda sərnişin təyyarəsi uçuş zolağından çıxıb, xəsarət alanlar var

Bakı. 27 dekabr. REPORT.AZ/ "Jet Airways" aviaşirkətinin təyyarəsi Hindistanın cənub qərbindəki Qoa ştatında "Dabolim" aeroportunda uçuşa hazırlıq zamanı uçuş-enmə zolağının hüdudlarından çıxıb.

"Report" "RİA Novosti"yə istinadən xəbər verir ki, bu barədə aviaşirkətin yaydığı məlumatda deyilir.

"Jet Airways" təəssüflə bildirir ki, bugünkü Qoa-Mumbay 9W 2374 reys təyyarəsi 154 sərnişin və ekipaj üzvüylə uçuşa hazırlıq zamanı uçuş-enmə zolağından çıxıb" – deyə məlumatda bildirilir.

Qeyd edilir ki, təyyarənin içindəki sərnişinlər və ekipaj üzvlərinin hamısı müvəffəqiyyətlə təxliyə edilib. Lakin təxliyə prosesində bir neçə sərnişin xəsarət alıb.

Hazırda onlara tibbi yardım göstərilir.