Bakı. 15 yanvar. REPORT.AZ/ Hindistanın xüsusi xidmət orqanları ABŞ prezidenti Barak Obamanın yanvarın 25-27-də nəzərdə tutulan səfəri ərəfəsində ölkənin iri şəhərlərində baş verə biləcək mümkün terror aktları haqqında xəbərdarlıq ediblər. "Report" "RİA Novosti"yə istinadən xəbər verir ki, bu barədə "Zee News" portalında məlumat verilib.
16-cı ordu korpusunun komandiri general-leytenant Karan Sinqx bildirib ki, terrorçuların ən zəif hədəflərə, o cümlədən məktəblərə, ticarət mərkəzlərinə və yaşayış məntəqələrinə hücum etmək niyyətləri haqqında məlumatlar var.
Hindistanın daxili işlər naziri Rancit Sinqxin sözlərinə görə, ABŞ prezidentinin səfəri zamanı ölkədə maksimum dərəcədə təhlükəsizlik tədbirləri görüləcək.