Yuxarı
    Bağlamaq

    ​Hindistanda körpünün uçması nəticəsində 22 nəfər itkin düşüb

    Leysan yağışları səbəbindən xilasetmə işləri çətinləşib

    Bakı. 3 avqust. REPORT.AZ/ Ötən gecə Hindistanda güclü yağışlar nəticəsində Mumbay-Qoa yolu üzərindəki körpünün uçması zamanı ən azı 22 nəfər itkin düşüb.

    "Report" xəbər verir ki, bu barədə çərşənbə günü NDTV telekanalı məlumat yayıb.

    Hadisə şahidlərinin sözlərinə görə, faciə Hindistanın qərbində, Mahad şəhəri ərazisində baş verib. Güclü musson yağışlarından daşan Savitri çayı köhnə körpünün dayaqlarını yuyub aparıb və onun seksiyası uçub. Həmin zaman körpü üzərində çoxlu sayda avtomobil və iki avtobus olub ki, onlar da çaya düşüb. Sahilə çıxmaq istəyənləri güclü axın özü ilə aparıb.

    Səhər saatlarında xilasetmə işlərinə başlansa da, əməliyyatların aparılması yağışların davam etməsi səbəbindən çətinləşib.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi