Yuxarı

​Hindistanda istidən ölənlərin sayı 1,7 min nəfəri ötüb

Ölkədə havanın temperaturu gün ərzində 47 dərəcəyədək qalxıb

Bakı. 29 may. REPORT.AZ/ Son həftə ərzində Hindistanda müşahidə olunan anomal istilər nəticəsində ən azı 1,7 min nəfər dünyasını dəyişib.

"Report" xəbər verir ki, ən isti hava ölkənin cənub ştatları olan Andhra-Pradeş və Telanqanada qeydə alınıb.

Ölənlərin müvafiq olaraq 1 300 və 440 nəfəri bu ştatların payına düşüb. Orada havanın temperaturu gün ərzində 47 Selsi dərəcəsinədək qalxıb.

İsti hava, həmçinin Qərbi Benqal, Bihar, Odişa (keçmiş Orissa) və ölkə paytaxtında onlarla insanın həyatına son qoyub.

Yerli meteoroloqların məlumatına görə, isti hava şəraiti həftənin sonunadək davam edəcək.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi