Hindistanda fabrikdə yanğın olub, ölənlər var

Bakı. 20 yanvar. REPORT.AZ/ Hindistanın paytaxtı Dehlidə fəaliyyət göstərən fabriklərdən birində yanğın baş verib.

"Report" xəbər verir ki, bu barədə "Indian Express" yanğın xidmətinin nümayəndəsinə istinadən məlumat yayıb.

Məlumata görə, fişəng istehsal edən fabrikdə baş verən yanğın zamanı 17 nəfər ölüb. Qeyd edilir ki, hadisə zamanı daha 1 nəfər xəsarət alıb.

Nəşrin məlumatına görə, alov qonşu binanı da bürüyüb. Yanğını səbəbləri hələlik məlum deyil.