Hindistanda daşqınlar nəticəsində ölənlərin sayı 357 nəfərə çatıb

Bakı. 19 avqust. REPORT.AZ/ Avqustun 8-dən 19-dək Hindistanın Kerala ştatında baş vermiş daşqınlar nəticəsində ölənlərin sayı 357 nəfərə çatıb.

"Report" xəbər verir ki, bu barədə yerli hakimiyyət dairələrinə istinadən AFP məlumat yayıb.

Ordu, Hərbi Dəniz və Hərbi Hava qüvvələri, Sahil Mühafizə Xidməti və Təbii fəlakətlərə milli reaksiya qüvvələri təxliyyə və fövqəladə yardım göstərilməsi üzrə əməliyyatlara cəlb olunub.