Hindistanın Maharaştra ştatındakı "Tivare" bəndinin dağılması nəticəsində azı 6 nəfər ölüb, 18 nəfər itkin düşüb.
Bu barədə "Report" RİA "Novosti"yə istinadən xəbər verir.
Hadisə dünən gecə Mumbaydan, təxminən, 280 kilometr uzaqlıqda baş verib.
İlkin məlumatlara görə, qəzaya iyunun 30-dan regionu cənginə alan və hələ də davam edən leysan yağışları səbəb olub. Ştat rəsmilərinin hesablamalarına görə, yalnız son 12 saatda Mumbay şəhərində 300-400 milimetr yağış düşüb. Bu isə son on ilin rekord göstəricisidir.