Bakı. 10 sentyabr. REPORT.AZ/ Hindistanın şərqindəki Bihar ştatında baş verən daşqınların qurbanlarının sayı 222 nəfərə çatıb.
"Report" xəbər verir ki, bu barədə yerli "NDTV" telekanalı məlumat yayıb.
Məlumata görə, daşqınlar nəticəsində 3 milyondan çox insan və 1725 kənd zərər çəkib. Ştatın 12 rayonundan 400 minə yaxın insan təxliyə olunub.
Yerli hakimiyyət orqanları 300-dən çox sığınacaq təşkil ediblər.
Qeyd edək ki, bu gün səhər Təbii fəlakətlərin nəticələrinin aradan qaldırılması üzrə Milli İdarədən yayılan məlumatda ölənlərin sayının 216 nəfər olduğu bildirilirdi.