Hindistanda avtobusun qəzaya uğraması nəticəsində 11 nəfər ölüb

Hindistanın şərqindəki Carkhand ştatında baş vermiş qəza nəticəsində azı 11 nəfər ölüb və 25 nəfər yaralanıb.

"Report" RİA "Novosti"yə istinadən xəbər verir ki, Hazaribaq ərazisində yüksək sürətlə hərəkət edən avtobusun əyləcində problem yaranıb.

Sürücü idarəetməni itirib, sərnişinlərin əksəriyyəti ölüb və ya ağır yaralanıb. 

Hazırda qəza yerində polis işləyir, hadisənin səbəbləri araşdırılır.