Bakı. 21 May. REPORT.AZ/ Hindistanın şimalında ağır yol nəqliyyat hadisəsi baş verib.
"Report" TASS agentliyinə istinadən xəbər verir ki, Ximaçal-Pradeş ştatının Çanba dairəsində sərnişin avtobusunun dərəyə düşməsi nəticəsində 15 nəfər ölüb, 30-dan çox sərnişin ağır bədən xəsarəti alıb.
Hadisə şahidlərinin sözlərinə görə, qəzaya səbəb sürücünün mobil telefonla danışması olub. O, telefonla danışarkən nəqliyyat vasitəsinə idarəetməni itirib.
Nəticədə avtobus dərəyə düşüb və 7 nəfər hadisə yerindəcə ölüb.
Bütün yaralılar xəstəxanalara çatdırılıb.