Bakı. 1 sentyabr. REPORT.AZ/ Hindistanda ağır yol-nəqliyyat hadisəsi baş verib.
"Report" RT-yə istinadən xəbər verir ki, hadisə ölkənin cənubundakı Salem şəhərində qeydə alınıb.
Belə ki, özəl avtobus Salemdən Dharmapuriyə gedərkən yolda əvvəlcə yük maşınına, daha sonra digər avtobusa çırpılıb. Qəza nəticəsində 7 nəfər ölüb, 50 nəfər yaralanıb.
Yaralıların hamısı xəstəxanaya yerləşdirilib.