Hindistanda avtobus qəzaya uğrayıb, 12 nəfər ölüb

Hindistanın Maharaştra ştatında avtobusun aşaraq xəndəyə düşməsi nəticəsində azı 12 nəfər ölüb, 27 nəfər yaralanıb.

“Report” TASS-a istinadən xəbər verir ki, bu barədə “The Times of India” qəzeti məlumat yayıb.

Yerli polisin məlumatına görə, ümumilikdə salonunda 41 sərnişin olan kommersiya avtobusu Pune şəhərindən Mumbaya gedirmiş.

Qəzetin yazdığına görə, qəza yerində xilasetmə əməliyyatı başa çatıb. Yaralılar xəstəxanalara çatdırılıblar.