Hindistanda 50-dən çox insan meyvə-tərəvəzdən zəhərlənib

Hindistanın Assam əyalətində ritual yeməyi, daha doğrusu meyvə və noxuddan 50-dən çox insan zəhərlənib.

"Report" xəbər verir ki, bu barədə "RİA Novosti" məlumat yayıb.

Qeyd edilir ki, kənd sakinlərindən birinin təşkil etdiyi bayram tədbirinə gələn qonaqlar qarın ağrısı və qusmadan şikayət etməyə başlayıblar.

Avqustun 22-də 50-dən çox kənd sakini xəstəxanaya yerləşdirilib və hazırda onların vəziyyəti stabildir.

Faktla bağlı müvafiq qurumlar araşdırma aparır.