Hindistanda 357 kənd su altında qalıb

Ötən həftə yağan yağışlar nəticəsində Hindistanın şimalında yerləşən Uttar-Pradeşı ştatınına 21 dairəsində azı 357 kənd su altında qalıb.

“Report” TASS-a istinadən xəbər verir ki, Qanq və Yamun çaylarında suyun səviyyəsi təhükəli həddə qalxıb.

Məlumata görə, daha çox Xamipur və Calaun dairələrinin kəndlərinə ziyan dəyib.

Bölgədə yaşayan əhali təhlükəsiz ərazilərə təxliyə edilib.

Qeyd edək ki, son 3 həftədə Hindistanda yağan leysan yağışlar və daşqınlar nəticəsində 400-ə yaxın insan ölüb.