Hindistanda 23 nəfər ildırım vurması nəticəsində ölüb

Hindistanın Bihar ştatının müxtəlif yerlərində ildırım vurmaları nəticəsində 23 nəfər ölüb, 10 nəfər yaralanıb.

Bu barədə “Report” “Associated Press”ə istinadən xəbər verir.

Yerli səlahiyyətlinin verdiyi məlumata görə, ölənlərdən 13-ü ştatın paytaxtı Patna şəhəri yaxınlığındakı Qopalqanc rayonunda fermalarda işləyənlər olub. O, yaralıların hamısının xəstəxanada müalicə edildiyini də söyləyib.