Yuxarı

Hindistan Pakistanın Kəşmir üzrə danışıqlar aparmaq təklifindən imtina edib

Pakistan XİN başçısının müavini hindistanlı həmkarını İslamabada rəsmi səfərə dəvət etmişdi

Bakı. 17 avqust. REPORT.AZ/ Hindistan Pakistanın Kəşmir üzrə danışıqlar aparmaq təklifini rədd edib.

"Report" "RİA Novosti"yə istinadən xəbər verir ki, Hindistanın Pakistandakı səfiri Qautama Bambavale avqustun 17-də növbəti dəfə Pakistan xarici işlər nazirinin müavini Ayzaz Çoudhri ilə görüşüb, Hindistan Xarici İşlər Nazirliyinin cavabını çatdırıb. 

Xatırladaq ki, avqustun 15-də A.Çoudhri Q.Bambavalenin vasitəsilə hindistanlı həmkarı Subramaniam Cayşankarı Kəşmir üzrə danışıqlar aparmaq məqsədilə İslamabada rəsmi səfərə dəvət etmişdi. Pakistan XİN başçısının müavinin göndərdiyi məktubda hər iki ölkənin Cammu və Kəşmir problemini BMT Təhlükəsizlik Şurasının qətnamələrinə uyğun şəkildə həll etməklə bağlı beynəlxalq öhdəlikləri vurğulanmışdı.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi