Yuxarı

Hindistan ilə Banqladeş anklavların dəyişdirilməsinə dair müqavilə imzaladı

Banqladeşin xarici işlər naziri sözü gedən müqaviləni yeni tarixi mərhələnin başlanğıcı adlandırıb

Bakı. 6 İyun. REPORT.AZ/ Hindistan ilə Banqladeş arasında həmsərhəd bölgələrdə yerləşən anklavların dəyişdirilməsini nəzərdə tutan müqavilə imzalanıb.

"Report"un BBC-yə istinadən verdiyi xəbərə görə, sənədə əsasən Hindistanın Assam, Qərbi Benqaliya, Tripura və Meqxaliya ştatlarındaki ümumi ərazisi 70 kv. kilometr olan 111 anklav Banqladeşə veriləcək. Bunun münaqibilində isə Banqladeş 28 kv.kilometr sahəsi olan 51 anklavı Hindistan ərazisi kimi tanıyacaq.

Sözü gedən ərazilərdə yaşayan 50 min insana vətəndaşlığı seçmək hüququ veriləcək.

Banqladeşin xarici işlər naziri Abul Həsən Mahmud Əli sözü gedən müqaviləni "yeni tarixi mərhələnin başlanğıcı" adlandırıb.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi