Hezer Nauert ABŞ Dövlət Departamentinin mətbuat xidmətinin rəhbəri vəzifəsindən gedib

Hezer Nauert ABŞ Dövlət Departamentinin mətbuat xidmətinin rəhbəri vəzifəsini tərk edib.

"Report" TASS-a istinadən xəbər verir ki, bu barədə ABŞ-ın dövlət katibi Maykl Pompeod özünün "Twitter"-dəki səhifəsində bildirib.

Qeyd edilir ki, o, 1946-cı ildə ABŞ senatoru Ceyms Uilyam Fulbrayt tərəfindən əsası qoyulmuş maarifləndirici "Fulbrayt" Proqramına işə keçib.

"Dövlət Departamentinin mehriban kollektivi adından Hezer Nauertə iki il ərzində mükəmməl və misilsiz işinə görə təşəkkür edirəm. Sən "Fulbrayt" proqramında işləyərək Amerikanı yaxşı təqdim edəcəksən", - deyə o yazıb.