Yuxarı

​Hamburqda qaçqınlar arasında 200 adamın iştirakı ilə kütləvi dava baş verib

Dava Suriya və əfqan qaçqınları arasında olub

Bakı. 1 oktyabr. REPORT.AZ/ Hamburqda miqrantların ilkin yerləşdirilməsi mərkəzindəki qaçqınlar arasında 200-dən artıq adamın iştirak etdiyi qarşıdurma baş verib.

"Report" TASS-a istinadən xəbər verir ki, bu barədə yerli polis nümayəndəsi bildirib.

Onun sözlərinə görə, dava Suriya və əfqan qaçqınları arasında olub. Qarşıdurma nəticəsində bir neçə nəfər yaralanıb.

Toqquşmanın səbəbləri haqqında məlumat verilmir. Asayişi təxminən 50 polis əməkdaşı təmin edirdi. Hazırda hüquq-mühafizə orqanları əməkdaşları hələ də hadisə yerindədir.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi