Haitidə zəlzələ qurbanlarının sayı 2 207 nəfərə çatıb

Haitidə zəlzələ zamanı ölənlərin sayı artıb.

Bu barədə “Report” “RİA Novosti”yə istinadən xəbər verir.

Məlumata görə, təbii fəlakət zamanı ölənlərin sayı 2 207 nəfərə çatıb. Təbii hadisə zamanı 12 mindən çox insan yaralanıb, 100 mindən çox ev dağılıb.

Qeyd edək ki, zəlzələ avqustun 14-də Haiti adasının qərbində 7,2 bal gücündə baş verib. Zəlzələ ocağı Peti-Tru-de-Nip yaşayış məntəqəsinin yaxınlığında, 10 kilometr dərinlikdə yerləşib. YUNİSEF-in məlumatına görə, təbii fəlakət 1,2 milyon insana ziyan vurub, onlardan 540 mini uşaqdır.