Bakı. 14 yanvar. REPORT.AZ/ Çində bıçaqla silahlanmış şəxs ətrafdakılara hücum edib.
"Report" "China News"a istinadən xəbər verir ki, hadisə Fuçjou şəhərində baş verib.
Bildirilir ki, hadisə zamanı 20 nəfər yaralanıb. Onlardan 1-i sonradan aldığı xəsarətlərdən ölüb. Cinayəti törədən şəxs çaya tullanıb.
İlkin məlumata görə, hadisəyə məişət zəminində mübahisə səbəb ola bilər.
Daha əvvəl Çində kömür mədəninin uçması nəticəsində 19 nəfər həlak olub.