Yuxarı

Fransanın iqtisadiyyat naziri istefa verib

Emmanuel Makron istefa qərarını Fransa prezidenti ilə görüşdən sonra açıqlayıb

Bakı. 30 avqust. REPORT.AZ/ Fransanın iqtisadiyyat naziri Emmanuel Makron vəzifəsindən istefa verib.

"Report" "Anadolu" agentliyinə istinadən xəbər verir ki, o, istefa qərarını Fransa prezidenti Fransua Ollandla görüşdən sonra açıqlayıb.

Rəsmi açıqlamada bildirilir ki, prezident Fransua Olland 2014-cü ilin avqustundan bu günə kimi layiqli xidmətlərinə görə Emmanuel Makron təşəkkür edib və bu vəzifəyə Maykl Sapini təyin edib.

Emmanuel Makron özü isə prezident seçkilərində namizədliyini irəli sürəcəyini bildirib və ölkə başçısı vəzifəsinə seçiləcəyi təqdirdə Fransanın dəyişməsi üçün hər şeyi etməyə hazır olduğunu deyib.

Qeyd edək ki, Emmanuel Makronun istefaya gedəcəyi haqda xəbərlər artıq bir neçə həftə idi ki, ölkə mətbuatının gündəmində idi. 

O, bu vəzifəyə 2014-cü ilin avqustunda təyin olunub.  

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi