Bakı. 7 iyun. REPORT.AZ/ Fransanın şərqində “Soprema” şirkətinə məxsus zavodda partlayış nəticəsində 3 nəfər ağır yaralanıb.
“Report” “RİA Novosti”yə istinadən xəbər verir ki, partlayışla yanaşı, yanğın da baş verib.
Hadisə Yonna dairəsinin Sen-Jülen-dü-So yaşayış məntəqəsində qeydə alınıb.
Yanğın söndürülüb, hadisənin səbəbi araşdırılır.
Qeyd edək ki, “Soprema” şirkəti su keçirməyən məhsulların istehsalı ilə məşğuldur.