Fransada terror şəbəkəsinə cəlb edilən şəxslərin sayı açıqlanıb

Bakı. 21 yanvar. REPORT.AZ / "Fransa hökuməti terror şəbəkəsinə cəlb edilən üç mindən çox insana nəzarət etməlidir".

"Report" "Agence France Press"ə istinadən xəbər verir ki, bunu Fransanın baş naziri Manüel Vals deyib. Onun sözlərinə görə, İraq və Suriyadakı terrorçuluqla əlaqəsi olanların sayı 130% çoxalıb.

Baş nazir ekstremizmə qarşı mübarizə məqsədilə 490 milyon dollar maliyyə vəsaitinin ayrıldığını və 2 680 yeni iş yerinin açıldığını da elan edib.