Fransada prezidentliyə namizədlər arasında teledebat başlayıb

Bakı. 4 may. REPORT.AZ/ Fransada prezidentliyə namizədlər arasında teledebat başlayıb.

"Report" xarici mətbuata istinadən xəbər verir ki, debatlarda "İrəli" hərəkatının lideri Emmanuel Makron və onun rəqibi – "Milli Cəbhə" Partiyasının lideri Marin Le Pen iştirak edirlər.

Debat qarşılıqlı ittihamlarla müşayiət edilib.

Qeyd edək ki, bundan əvvəl seçicilərin namizədlərə dəstəyinin faiz göstəricisi məlum olub. Belə ki, seçicilərin 60 faizi prezident seçkilərinin ikinci turunda Makrona dəstək verməyə hazır olduqlarını bildiriblər.