Fransada naməlum şəxslər insanlara atəş açıb: ölən və yaralananlar var

Bakı. 4 iyul. REPORT.AZ/ Fransanın cənubundakı Tuluza şəhərində baş vermiş silahlı insident zamanı 1 nəfər ölüb, 6 nəfər yaralanıb.

"Report" xəbər verir ki, bu barədə "France 3" telekanalı polisə istinadən məlumat yayıb.

Telekanalın ilkin məlumatına görə, motosikllə hərəkət edən iki nəfər bir qrup insana atəş atıb, bundan sonra isə gizləniblər.

Hadisə zamanı 1 nəfər ölüb, 6 nəfər yaralanıb. Yaralılardan ikisinin vəziyyətinin ağır olduğu bildirilir.

Hadisə yerinə polis əməkdaşları gəlib.