Yuxarı
    Bağlamaq

    Fransada təcridxanadakı girovlar azad edilib - YENİLƏNİB

    Hadisə ölkənin qərbindəki Le Man şəhərində baş verib

    Bakı. 4 avqust. REPORT.AZ/ Fransanın Le Man şəhərində yerləşən istintaq təcridxanasında məhbuslardan birinin saxladığı girovlar azad edilib.

    "Report" Fransa KİV-inə istinadən xəbər verir ki, bu barədə Fransanın ədliyyə naziri Jan-Jak Urvo məlumat verib.

    "Le Mandakı təcridxananın ələ keçirilməsi məsələsi həll olunub. Heyətin soyuqqanlılığı və girov götürülən həbsxana əməkdaşının fədəkarlığı sayəsində hər şey yaxşı qurtardı", - deyə nazir "Twitter" səhifəsində yazıb.

    O, girovların azad olunmasının detallarını qeyd etməyib.

    Fransa mətbuatının yazdığına görə, təcridxanada 2 nəfəri girov götürən məhbus narkotik qaçaqmalçılığında ittiham olunub və o, girov götürdükdən sonra başqa həbsxanaya kğçürülməsini tələb edib.

    *** 14:58

    Fransada naməlum şəxs istintaq təcridxanasını ələ keçirib.

    "Report" xarici KİV-ə istinadən xəbər verir ki, həmin şəxs təcridxanada girovlar da saxlayır.

    Hadisə ölkənin qərbindəki Le Man şəhərində baş verib.

    KİV-in yazdığına görə, naməlum şəxs bir məhbusu və bir həbsxana əməkdaşını girov götürüb.

    Hadisə yerinə xüsusi təyinatlılar yönləndirilib.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi