Fransada koronavirusa yoluxanların sayı 1 800 nəfərə çatdı

Fransada koronavirusa yoluxanların sayı 1 784 nəfər təşkil edir, 33 nəfər virusun qurbanı olub.

“Report” RİA “Novosti” agentliyinə istinadən xəbər verir ki, bu barədə ölkə səhiyyəsinin rəsmisi Jerom Salomon bildirib.

O, qeyd edib ki, xəstələrdən 86-ı ağır vəziyyətdədir.

"Söhbət 19 kişi və 14 qadından gedir. Virusdan ölənlərdən 23-ü 70 yaş və daha böyük idi", - deyə o bildirib.

Daha əvvəl bildirilirdi ki, Fransada virus 1 606 nəfərə yoluxub, 30 nəfər ölüb.

Dünyada koronavirusa yoluxanların sayı 113 702 nəfər təşkil edir. Onlardan 80 924-ü Çindədir.