Fransada avtomobillər yandırılıb, mağazalar talan edilib, saxlanılanlar var  

Fransada avtomobillər yandırılıb, mağazalar talan edilib, saxlanılanlar var   Fransanın paytaxtı Parisdə etirazlar zamanı naməlum adamlar üç avtomobili yandırıblar.
Digər ölkələr
2097
5 Dekabr , 2020 21:31
Fransada avtomobillər yandırılıb, mağazalar talan edilib, saxlanılanlar var  

Fransanın paytaxtı Parisdə keçirilən etiraz aksiyaları zamanı naməlum şəxslər üç avtomobili yandırıblar.

Bu barədə “Report” “RİA Novosti”yə istinadən xəbər verir.

Qeyd edilir ki, yanğın Qambetta prospektində olub, partlayış səsləri eşidilib, avtomobillərdən sıx qara tüstü çıxıb. Hadisə yerinə yanğınsöndürənlər cəlb edilib.

Məlumata görə, hadisədən bir qədər əvvəl buradan “Qlobal təhlükəsizlik haqqında” qanuna qarşı etiraz edənlər keçib.

Yerli mətbuat bildirib ki, Parisdə talanlar başlayıb. Bəzi şəxslər mağazaların şüşələrini, vitrinlərini sındırıblar.

“Polis Parisdə şənbə günü keçirilən etiraz aksiyasında 22 nəfəri saxlayıb”, - bunu isə ölkənin Daxili İşlər Nazirliyinin başçısı Jerald Darmanen bildirib.

O, aksiyanın yatırılmasında iştirak edən polislərə təşəkkür edib. Nazirin sözlərinə görə, orada asayiş keşikçiləri bəzən "çox amansız insanlarla" rastlaşırlar.

Son xəbərlər

Orphus sistemi