Yuxarı
    Bağlamaq

    Fransada 10 min hərbçi obyektlərin qorunması və mühafizəsinə yönəldiləcək

    Bu barədə ölkənin müdafiə naziri Jan-İv Le Drian bildirib

    Bakı. 12 yanvar. REPORT.AZ/ Fransa ərazisində 10 min hərbçi müxtəlif oyektlərin qorunması və mühafizəsində, həmçinin terror aktlarının qarşısının alınması üzrə digər tədbirlərdə iştirak edəcək. "Report" "İTAR-TASS"a istinadən xəbər verir ki, bu barədə ölkənin müdafiə naziri Jan-İv Le Drian bildirib.

    O, ötən həftə törədilən terror aktlarının həyata keçirilməsindən sonra Yelisey Sarayında keçirilən təhlükəsizlik məsələləri üzrə iclasda iştirak edib. İclas Fransa prezidenti Fransua Ollandın sədrliyi ilə keçirilib. 

    "Fransa prezidenti silahlı qüvvələrə ölkə ərazisində hücuma məruz qala biləcək obyektlərin təhlükəsizliyinin təmin olunmasında iştirak etmək əmrini verib", - deyə, Le Drian bildirib. O, qeyd edib ki, terrorçuların fəaliyyətinin təhlükəsi olduqca ciddidir. Nazirin verdiyi məlumata görə, hərbçilərin yerləşdirilməsi sabah başa çatacaq. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi