Yuxarı

Fransa XİN başçısı britaniyalı həmkarını yalançı adlandırıb

Eyro: O, Brexit kampaniyası zamanı çox sayda britaniyalıya yalan danışıb

Bakı. 14 iyul. REPORT.AZ/ Fransa xarici işlər naziri Jan-Mark Eyro britaniyalı həmkarı Boris Consonu yalan danışmaqda günahlandırıb.

"Report" "Reuters"ə istinadən xəbər verir ki, o, britaniyalı həmkarının "Brexit" kampaniyası zamanı yalan danışdığını açıqlayıb.

"Consona görə narahat deyiləm. Amma "Brexit" kampaniyası zamanı o, çox sayda britaniyalıya yalan danışıb. İndi də divara sıxışdırılıb", - deyə Fransa XİN başçısı "Europe 1" radiostansiyasının efirində bildirib.

Eyro həmçinin rahat danışa və etibar edə biləcəyi tərəfdaşa ehtiyac duyduğunu qeyd edib.

Xatırladaq ki, iyulun 13-də Böyük Britaniyanın yeni baş naziri Tereza Mey Londonun keçmiş meri Boris Consonu xarici işlər naziri postuna təyin edib.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi