Fransa Prezidenti Milli Assambleyanı buraxıb

Fransa Prezidenti Milli Assambleyanı buraxıb Fransa Prezidenti Emmanuel Makron, müxalifətin payızda etimadsızlıq səsverməsi keçirməsi fonunda hökuməti istefaya göndərmək məcburiyyətində qalmamaq üçün parlamentin aşağı palatası olan Milli Assambleyanı buraxmaq qərarına gəlib.
Digər ölkələr
18 İyun , 2024 23:58
Fransa Prezidenti Milli Assambleyanı buraxıb

Fransa Prezidenti Emmanuel Makron, müxalifətin payızda etimadsızlıq səsverməsi keçirməsi fonunda hökuməti istefaya göndərmək məcburiyyətində qalmamaq üçün parlamentin aşağı palatası olan Milli Assambleyanı buraxmaq qərarına gəlib.

“Report”un məlumatına görə, bu barədə “La Depeche” qəzeti xəbər verib.

“Bu, son 7 ildə verdiyim ən çətin qərarlardan biridir”, - deyə Makron regional nəşrlərin jurnalistləri ilə söhbətində bildirib.

Makron, təkbaşına hərəkət etmədiyini bildirsə də, nə baş nazirlə, nə də parlamentin hər iki palatasının sədri ilə məsləhətləşməyib.

Fransa dövlət başçısı bu məsələni güvəndiyi adamlarla, amma pərdə arxasında müzakirə etdiyini deyib: “Çünki belə mühüm qərarlar yalnız və mənim şəxsi məsuliyyətim altında qəbul edilir”.

Makron qərarının cəmiyyətdə yaratdığı şoku şərh etməkdən imtina edib. O, fransızların onun seçimini başa düşmədiyini və ona qəzəbləndiyini də təsdiqləyib.

“Avropa Parlamenti seçkilərində məğlubiyyətin mənasını anladım və bunun demokratik nəticələrini dərk etdim. Əgər fransızlar bizə yenidən inansalar, hər şey əvvəlki kimi olmayacaq. Biz görülən tədbirlərin məzmunu və onları idarə etmə tərzimiz haqqında daha da açıq olmalıyıq”, - deyə o bildirib.

İyunun 6-dan 9-dək Avropa İttifaqının bütün ölkələrində 2024-2029-cu çağırış üçün Avropa Parlamentinə seçkilər keçirilib. Sağçı və ifrat sağçı partiyalar bir çox Aİ ölkələrində səsvermə mövqelərini yaxşılaşdırıblar. Fransada bu siyasi qüvvələrin nümayəndələri prezident Emmanuel Makronun mərkəzçi blokundan iki dəfə çox səs toplayıb.

Son xəbərlər

Orphus sistemi