Fransanın müdafiə naziri: "İranın Razılaşmadan çıxmasından pis heç nə ola bilməz"

“Bu gün İranın Razılaşmadan çıxmasından pis heç nə ola bilməz”.

“Report” “RAİ Novosti”yə istinadən xəbər verir ki, bunu Fransanın müdafiə naziri Florans Parli İranın nüvə proqramı üzrə Razılşamdan qismən çıxması barədə qərarını dəyərləndirərkən bildirib.

“Düz bir il əvvəl ABŞ Razılaşmadan çıxdı və artıq ona əməl etmir. Bu gün İranın Razılaşmadan çıxmasından pis heç nə ola bilməz”, - deyə F.Parli vurğulayıb.

Onun sözlərinə görə, avropalılar 2015-ci il müqaviləsinin qalmasını müdafiə edirlər. Nazir əlavə edib ki, Avropa dövlətləri İranın nüvə proqramının nəzarət altında olmasına da cəhd göstərirlər.

Qeyd edək ki, mayın 8-də İran prezidenti Həsən Ruhani nüvə Razılaşmasından qismən çıxacaqlarını bildirib.