Yuxarı
    Bağlamaq

    Filippinin silahlı insident baş vermiş otelində 34 meyit aşkar olunub - VİDEO - YENİLƏNİB

    İnsident zamanı, həmçinin 54 nəfər dəm qazından zəhərlənib© EPA/ROLEX DELA PENA

    Bakı. 2 iyun. REPORT.AZ/ Filippinin silahlı insident baş vermiş "Resorts World Manila" otel kompleksində 34 nəfərin meyiti aşkar olunub.

    "Report" xəbər verir ki, bu barədə cümə günü yerli polisə istinadən "Kyodo" agentliyi məlumat yayıb.

    Qeyd olunur ki, ölənlərin əksəriyyəti otelə hücum edən naməlum şəxsin törətdiyi yanğın nəticəsində boğulub. İnsident zamanı, həmçinin 54 nəfər dəm qazından zəhərlənib.

    Bəzi məlumatlara görə, hücum edən şəxs özünə qəsd edib, digər məlumatlara əsasən isə polis tərəfindən öldürülüb.

    ***22:22/1 iyun

    Filippinin paytaxtı Maniladakı mehmanxana kompleksində atışma nəticəsində ən azı 25 nəfər yaralanıb.

    "Report" xəbər verir ki, bu barədə "Manila Times" məlumat yayıb.

    ***

    Filippinin paytaxtı Manilanın mehmanxana komplekslərindən biri yaxınlığında atışma və partlayış baş verib.

    "Report" RİA "Novosti"yə istinadən xəbər verir ki, bu barədə "CNN Philippines" telekanalı məlumat yayıb.

    Telekanal xəbər verir ki, hazırda "Resorts World Manila" mehmanxana kompleksinə "təcili yardım", həmçinin yanğınsöndürən və xilasetmə xidmətlərinin nümayəndələri cəlb olunub.

    Kompleks Ninoy Akino adına Filippin beynəlxalq hava limanının qarşısında yerləşir.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi