Filippində "Manqhut" qasırğası nəticəsində onlarla insan həlak olub - VİDEO

Bakı. 16 sentyabr. REPORT.AZ/ Filippində "Manqhut" qasırğası nəticəsində ən azı 28 nəfər həlak olub.

"Report" xəbər verir ki, bu barədə "CNN Philippines" ölkə prezidentinin səlahiyyətli nümayəndəsi Frensis Tolentinoya istinadən məlumat yayıb.

Daha əvvəl qasırğanın 12 nəfərin həyatına son qoyduğu bildirilirdi. Qeyd edilir ki, təbii hadisə zamanı daha 13 nəfər itkin düşüb.

Sentyabrın 15-də "Manqhut" qasırğasının ölkənin şimal-şərq sahillərinə çatdığı bildirilirdi.