Filippində "Fanfon" qasırğası nəticəsində azı 28 nəfər ölüb

Filipində qasırğa səbəbindən azı 28 nəfər ölüb.

"Report" xəbər verir ki, bu barədə ölkənin təbii fəlakətlərə nəzarət üzrə yerli orqanına istinadən "Rappler" portalı bildirib.

Portal qeyd edib ki, təbii hadisə zamanı daha 12 nəfər itkin düşüb. Qasırğa nəticəsində habelə 2 nəfər də müxtəlif xəsarətlər alıb.

"Fanfon" qasırğası ilk dəfə dekabrın 24-də quruya çıxıb. Son məlumatlara görə, onun hüdudlarında küləyin sürəti təxminən 33 metr/saniyə təşkil edir.

Daha əvvəl bildirilirdi ki, "Fanfon" qasırğası nəticəsində 16 nəfər ölüb.