Bakı. 30 may. REPORT.AZ/ Filippində polis məntəqələrinin yaxınlığında baş verən iki partlayış nəticəsində 15 nəfər yaralanıb.
"Report" "Sinxua" Agentliyinə istinadən xəbər verir ki, bunu Sulu əyalətinin başçısı Abraham Orbita bildirib.
Naməlum şəxsin atdığı qumbaranın partlaması nəticəsində 3-ü uşaq olmaqla 5 nəfər yaralanıb.
Bundan az sonra həmin rayonda baş verən partlayışda partladıcı qurğunun partlaması nəticəsində isə 10 nəfər xəsarət alıb.
A.Orbitanın sözlərinə görə, ikinci partlayışda hədəfdə polis əməkdaşları olub.
Xəsarət alanların hamısı xəstəxanaya yerləşdirilib.