Yuxarı
    Bağlamaq

    Filippində baş vermiş yol qəzasında ölənlərin sayı 31 nəfərə çatıb - YENİLƏNİB

    Hadisə nəticəsində bir neçə nəfər xəsarət alıb

    Bakı. 19 aprel. REPORT.AZ/ Filippində baş vermiş yol qəzasında ölənlərin sayı 31 nəfərə çatıb.

    "Report"un məlumatına görə, bu barədə "France Presse" polis nümayəndəsinə istinadən xəbər verib.

    Son məlumatda qeyd olunur ki, hadisə zamanı 46 nəfər xəsarət alıb. Onlardan 4-ü ağır vəziyyətdədir.

    Hadisə zamanı avtobusda 77 sərnişin olub.

    ***22:45

    Filippinin şimalında sərnişin avtobusunun dərəyə yuvarlanması nəticəsində azı 24 nəfər ölüb.

    "Report" xəbər verir ki, bu barədə "Sinxua" agentliyi məlumat yayıb.

    Ölkə polisinin məlumatına görə, hadisə yerli vaxtla saat 11:00-da baş verib. Salonunda 50 sərnişinin olduğu avtobus paytaxt Manilanın şimalındakı Nueva-Esixa vilayətinin Karranqlan şəhərinə məxsus Kapintalan kəndində dərəyə düşüb. Hadisə nəticəsində bir neçə nəfər xəsarət alıb.

    Avtobus Cənubi İlokos vilayəti istiqamətində hərəkət edirmiş. Şahidlərin sözlərinə görə, qəza sürücünün sürət həddini artırmasından sonra baş verib. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi