Fidel Kastro vəfat edib

Bakı. 26 noyabr. REPORT.AZ/ Kuba inqilabının lideri Fidel Kastro 90 yaşında vəfat edib.

"Report" "Reuters"ə istinadən xəbər verir ki, bu barədə mərhumun qardaşı, Kubanın dövlət başçısı Raul Kastro məlumat verib.

Qeyd edək ki, Fidel Alejandro Kastro Ruz 1926-cı ildə anadan olub. O, 1959-1976-ci illərdə Kuba Nazirlər Şurasının sədri (baş nazir), 1976-2008-ci illərdə isə Dövlət Şurasının sədri (prezident) olub. 1961-2011-ci illərdə Kuba Kommunist Partiyasının birinci katibi vəzifəsində çalışıb. 1979-1983 və 2006-2008-ci ilədə isə Qoşulmama Hərəkatının baş katibi olub.