Fələstin Vaşinqtondakı səfirini geri çağırıb

Bakı. 15 may. REPORT.AZ/ Fələstin Vaşinqtondakı səfirini geri çağırıb.

"Report" xarici mətbuata istinadən xəbər verir ki, bu, ABŞ-ın Tel-Əvivdəki səfirliyini Qüdsə köçürməsi ilə bağlıdır.

Qeyd edək ki, Türkiyə və İrlandiya da İsraildəki diplomatik nümayəndələrini geri çağırıblar. İsrailin Qəzza sektoru ilə sərhəddə ABŞ səfirliyinin Qüdsə köçürülməsinə cavab olaraq aksiyalar keçirən etirazçılara qarşı güc tətbiq etməsi nəticəsində onlarla insan həlak olub və yüzlərlə etirazçı xəsarət alıb.