Bakı. 5 sentyabr. REPORT.AZ/ Avropa İttifaqının (Aİ) xarici işlər və təhlükəsizlik siyasəti üzrə ali nümayəndəsi Federika Mogerini Aİ-nin xarici nümayəndəliklərinin rəhbərləri ilə iclas keçirib.
"Report" xəbər verir ki, iclas "Ümumi baxış, ümumi fəaliyyət - güclü Avropa" şüarı altında keçib.
İclasda F.Mogerini Aİ-nin xarici fəaliyyətinin mühüm məqamlarını vurğulayıb. O bildirib ki, ilin sonunadək təhlükəsizlik və müdafiə üzrə geniş plan təqdim etmək niyyətindədir.