Yuxarı

ABŞ-ın əsas ixrac-idxal bankı fəaliyyətini bərpa edəcək

ABŞ prezidenti Barak Obama ölkə Konqresinin müvafiq qərarına dəstək verib

Bakı. 5 dekabr. REPORT.AZ/ ABŞ-ın əsas ixrac-idxal bankı hesab olunan “Eximbank” fəaliyyətini bərpa edəcək. "Report"un RİA "Novosti" agentliyinə istinadən verdiyi xəbərə görə, ABŞ prezidenti Barak Obama ölkə Konqresinin müvafiq qərarına dəstək verib.

"Eximbank” dünyanın müxtəlif regionlarında ABŞ şirkətlərinin rəqabət gücünü artıran amildir. Bu bank yerli hökümətlərin və şirkətlərin amerikalı tərəfdaşlara qarşı inamını artırır", - deyə Obama vurğulayıb.

Xatırladaq ki, ABŞ Konqresinin bəzi üzvləri "Eximbank"-ın dövlət tərəfindən dəstəklənməsinə qarşı çıxmışdı. Bu səbəbdən bu bank iyun ayından etibarən kredit əməliyyatlarını dayandırmışdı.

Qeyd edək ki, hazırda ABŞ-da 150 min insan sözügedən dövlət bankının hesabına işlə təmin olunub. 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi