Ərdoğan ABŞ-ı irimiqyaslı iqtisadi müharibədə günahlandırıb

Bakı. 27 sentyabr. REPORT.AZ/ Türkiyə prezidenti Rəcəb Tayyib Ərdoğan bildirib ki, ABŞ hökumətinin fəaliyyəti dünyanı daha çox iqtisadi müharibəyə cəlb edir.

"Report"un məlumatına görə o, bu fikri "Frankfurter Allgemeine Zeitung" qəzetinə məqaləsində bildirib.

Türkiyə liderinin sözlərinə görə, ABŞ-ın birtərəfli və məsuliyyətsiz yanaşması dünyanı münaqişəyə cəlb edəcək və nəticədə bütün iştirakçılara ziyan vuracaq.

Ərdoğan bildirib ki, Türkiyə və Almaniya digər ölkələrlə birlikdə dağıdıcı ticarət münaqişələrinin qarşısını almalıdır.