Yuxarı
    Bağlamaq

    Ekvador hökuməti zəlzələdən sonra zənginlər üçün xüsusi vergi tətbiq edəcək

    Prezident Rafael Korrea ölkənin bərpası üçün bir sıra xüsusi tədbirlərin tətbiq ediləcəyini açıqlayıb

    Bakı. 21 aprel. REPORT.AZ/ Ekvador prezidenti Rafael Korrea azı 570 nəfərin həlak olduğu dağıdıcı zəlzələdən sonra ölkənin bərpası üçün bir sıra xüsusi tədbirlərin tətbiq ediləcəyini açıqlayıb.

    "Report" BBC-yə istinadən xəbər verir ki, prezident tərəfindən təklif edilən tədbirlər sırasında vergi dərəcəsinin artırılması da var. Belə ki, bir il ərzində satışdan gələn gəlirin vergiyə cəlb olunan hissəsinin 12%-dən 14%-dək artırılması nəzərdə tutulub.

    Bundan əlavə, 1 milyon dollardan çox kapitalı olan ölkə vətəndaşları öz var-dövlətinin 0,9%-ni dövlətə ödəməli olacaq. Aylıq gəliri 1000 dollar olanlar dövlət xəzinəsinə orta hesabla bir günlük, 2000 dollar qazananlar iki günlük (beləcə proporsionallıq saxlamaqla arta-arta) gəlirləri məbləğində pul ödəyəcək.

    İlkin hesablamalara görə, təbii fəlakətin Ekvadora vurduğu ziyan təxminən 3 milyard dollar təşkil edə bilər.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi