Əhməd Qəddafi ad-Dam: "NATO Liviyanı dağıtmaq üçün gəlmişdi"

Bakı. 17 fevral. REPORT.AZ/ Liviya əvvəllər dünyanın nüfuzlu dövlətindən idi, indi isə vassal ökəyə çevrilib. Onun taleyini başqaları müəyyənləşdirir.

"Report" xəbər verir ki, bunu Liviyanın keçmiş prezidenti Müəmmar Qəddafinin əmisi oğlu, keçmiş general Əhməd Qəddafi ad-Dam Rusiyanın "Russia today" telekanalına müsahibəsində deyib.

Keçmiş generalın sözlərinə görə, NATO Liviyaya onu darmadağın etmək üçün gəlibmiş: "Liviya cinayətkar ünsürlərin, oğurluq və qarətin, dünya mafiyasının mərkəzinə çevrilib".

O, Liviyadakı indiki hakimiyyəti "Qərbin marionetkası" adlandırıb.