Əfqanıstanın yeni hökumətinin inauqurasiyası sentyabrın 11-də keçiriləcək

Əfqanıstanın yeni hökumətinin inauqurasiya mərasimi ABŞ-da baş verən terror aktından düz 20 il sonra, sentyabrın 11-də baş tutacaq.

"Report" bu barədə "RİA Novosti"yə istinadən xəbər verir.

"Taliban" inauqurasiya mərasiminə Rusiya, Çin, Qətər, Türkiyə, Pakistan və İrandan nümayəndələr dəvət edib. Rusiyanın xarici işlər naziri Sergey Lavrov yeni hökumətin elan edilməsi mərasimində iştirak etməyə hazır olduğunu söyləyib.

Hökumətin qurulması üçün bütün hazırlıqlar artıq başa çatıb.